منتديات ساسوكي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات ساسوكي

ساسوكي
 
الرئيسيةالبوابةأحدث الصورالتسجيلدخول

 

 الحلقة الثانية <<<<<<<<<<<مدرسة النمي

اذهب الى الأسفل 
4 مشترك
كاتب الموضوعرسالة
عاشقة ساسوكي اوتشيها

عاشقة ساسوكي اوتشيها


المساهمات : 34
تاريخ التسجيل : 14/07/2009

الحلقة الثانية <<<<<<<<<<<مدرسة النمي Empty
مُساهمةموضوع: الحلقة الثانية <<<<<<<<<<<مدرسة النمي   الحلقة الثانية <<<<<<<<<<<مدرسة النمي Icon_minitimeالسبت أغسطس 01, 2009 2:44 pm

عدنـــــا مع الحلقة الثانية

وفي البداية بخبركم ببقية الشخصيات ^^



المدرسين والعمال في المدرسة


اوراهارا : بياع المقصف يزيد اسعار الاكل 10 اضعاف ومحد يقدر يوقفه


روي : أستاذ اللغة العربيه يحب يخلي الطلاب ينسخون المعلقات ويكسر اياديهم


ايتشيمارو : أستاذ جغرافيا دومه يضحك ومبتسم لكنه خبيث وياويله الي يعصبه !!


هانامورا : مدرسة إنجليزي ، خبله و تنخدع بسرعة وهذي النقطة يستغلها الطلاب وايد

الطلاب :

مابذكر الا واحد اليوم ^^


فوجي : 24 ساعة مبتسم ويضحك ماقط احد شافه معصب الكل يشك انه له علاقة بأستاذ الجغرافيا خصوصاً ساسكي
وهو يسعى لإكتشاف صلته به >>> اناني مايغى احد غيره بواسطه



(( الحلـــــــقة الثانية ... مدرسة الأنمـــــي ))

كينباتشي : يلا طلعوا الكتب بنراجع درس امس

ايتشيقو : استاذ كل يوم نراجع نفس الدرس ><

كينباتشي : التكرار يعلم الشطار يلا حسان قوم !

حسان : من انــــا ؟؟ والله ماسويت شي ارجوك لا تطقني

كينباتشي :منو قال بطقك .. يلا سمع لي جدول الواحد !!

حسان : همم زين انت قول المسئله وانا بحلها

كيريهارا : اووف شو عنده هذا واثق

كينباتشي : تسعة ضرب واحد ؟

حسان : بل حرام كسر خاطري هل الواحد تسعة مرة وحدة

كينباتشي : حسااانوو انا اعرف شغلي معاك تعال اكسر راسك

ناروتو : يمااا مسكين راحت عليه بغمض عيوني

ساسكي : سمعتوا عن الي في فرقة واحد ؟

لايت : يقولون مرة وحدة انفتح باب الصف و شافوا راس الطالب يطير بالهواء

ريوزاكي : وبعد شوي طلع استاذ كينباتشي من الصف

حسان : يمااا لاحقووني نقذوووني ما ابغى امووووت

كينباتشي : عشان تتأدب و تحترم جدول الواحد تعال يلااا

في حمام البنات

روكيا : اقول ماسمعتي الجرس ؟

ونري : لا لحين افف لا تفتحين عيونك ابغى احط الآي شادو

فجأة انفتح باب الحمام

ونري : من هنااا ؟؟

ساكورا : بسم الله شو تسون

روكيا : انتي شو جابك هنا

ساكورا :ها ؟ انا ابغى اعدل شعري فيها شي ؟

ونري : زين ساكورا ما ودك في مثبت شعر امس واصل من البرازيل

ساكورا : لاا عيوني اخر مرة شريت من عندك كريم مال شعر سوى شعري يابس ><

ونري : خييييبه آخر مرة انتي شريتي مني كريم مال ويه يا خبله

ساكورا : هااااه ما قلتي

روكيا : هيي انتوا ترى الجرس رن من 10 دقايق نحن ما انتبهنا

ساكورا : لااا اول حصة رياضيااات

روكيا : يلااا بسرعة ولا راحت علينا

ونري : لحظة بدخل المكياج في الشنطة !


في الصف

كينباتشي : انا بأدبك يا حسان شوف هل السيف هذا بعد شوي بيكون على رقبتك

حسان : لاااا لاااا الله يخليك لأمك لاتقتلني بسوي لك الي تبغى بس لا تقتلني

ناروتو : هاااه خلصوا ؟

شيكامارو : لا تفتح عيونك لحين ما خلصوا

إدورد :ما فية قانون في هذي المدرسة فوضى هي يذبح عيال الناس

فوجي : اسكت لايسمع ولا بيذبحك قبله

كينباتشي : واحد .. أثنين ... ثـــــــ

و إنفتح باب الصف بسرعة

روكيا : سلام عليكم

كيبناتشي : اهلا اهلا ... حسانو حسابي معاك وقت ثاني يلا ارجع مكانك

حسان : الحمدلله الحمدلله

ساكورا : هلا فيك استاذ

كينباتشي : و زعيمتكم ليش ساكته ما تنطقين يا بنت

ونري : ا استاذ عاد عطنا فرصة نشرح الوضع

كيريهارا : لاا تعطيهم شي تراهم كذابين في الي بيقولونه

ونري : اسكت انت ><

كينباتشي : كيريهااارااا لاتدخل في شغلي فاهم

كيريهارا : نصحتك وانت كيفك

كينباتشي : يلا سمعينا وين كنتن ؟

ونري : احم كنا مع تيشر هانامورا نساعدها في ترتيب الملفات

كينباتشي : وما تدرون ان عندكم حصة ها ؟

ونري : استاذ مسكينه تيشر هانامورا لازم تجهز الملفات قبل يوم الثلاثاء حق نقابة العمال

ماعندها احد يساعدها تدري لازم الطلبات تكون مكتوبة بالانجليزي وهي الوحيدة الي تعرف

ولا تبغى ايتاتشي يطردها بعد ><

ساسكي : احترمي روحك انتي قولي السيد ايتاتشي اخو الشيخ ساسكي

ساكورا : فديت الشيوخ انا

ساسكي :انكتمي انتي بعد

كينباتشي : سكتـــــوا ولا كلمة ونري روحي عند هانامورا وخوذي منها ورقه تثبت انكم كنتوا عندها

ولا تتأخرين والباقي يلا اوقفوا آخر الصف لين ترجع ونري يلااا

ونري : على امرك استاذ

كيريهارا ( في نفسه ) : بل بل عليها على طول طلعت عذر

كينباتشي : زين يلا نكمل درسنا من يعرف واحد ضرب واحد يساوي كم ؟؟

في الممر قرب الصف

ونري : نياااهاهاها الحين بقى اقص على تيشر و نطلع من هل المشكلة

ووصلت للدرج و شافت استاذ اوروتشيمارو يحاول يسحب شنطته ومو قادر

ونري : استاذ شو تسوي هنا ؟

اوروتشيمارو : من ونري ؟ تعالي ساعدني هل الشنطة ثقيلة

ونري : استاذ ليش ما تركب المصعد هم ما خلوه الا حقكم ولا احنا مساكين نركب هل الدرج كل يوم

اوروتشيمارو : اليوم متعطل فيه تصليحات يلا تعالي انكسرت يدي

ونري: سوري استاذ عندي رياضيات ما اقدر اتأخر يلا باي

اوروتشيمارو : اففف ليش حظي كذا ويا الطلاب دوم يهربون مني ><

في غرفة المدرسات

هانامورا : اقولك هذا مساعد المدير مارضى يوقع على ماي هوليداي

تسونادي : زين كان قلتيله يعطيها المدير ؟

هانامورا : هذا مدير ؟ محد قط شاف ويهه ولا حتى نعرف هز نيم الطلاب في الشهادات

مكان اسم المدير عندهم علامات استفهام افف

طق طق طق

ونري : مرحبا ممكن ادخل ؟

تسونادي : انت دخلتي وخلصتي يلا هانامورا انا بروح عندي حصة و ضيعت نصها بسوالف معا ك

هانامورا : اوكي سي يو ليتر ^^ شو عند ك ونري ؟

ونري : احم تيشر الله يخليك ابغاكي تكتبين لي عذر ندخل فيه الصف

هانامورا : بعد !! كل مرة اكتب لك عذر يا بنت ><

ونري : عاد هل المرة حق استاذ كينباتشي وانتي تعرفين شو يسوي اهىء اهىء

هانامورا : بس انا ما اقدر لان..

ونري : تيشر تدرين شو عندي اليوم ؟ ماسكارا من جنوب افريقيا امس وصلت

هانامورا : ماسكارا ؟؟ عاد غود ون ؟

ونري : افاا عليك انا ماعندي الا كل شي غود هذي تخلي الرموش طولها 10 امتار

هانامورا : وااااو ريلي ؟

ونري : هيه بعطيك 2 منها وعلى حسابي بعد ^^

هانامورا : شو كنتي تقولين ؟ تبين عذر حق جم وحدة ؟

في الممر مرة ثانية

ونري : يااااهوو محد يقدر علي انا ، احسن شي ارجع قبل لا يعصب هذا بعد

اوروتشيمارو : ونري !

ونري : يماااااااا استاذ من وين طلعت من الطوفه لا تخرعني مرة ثانيه بليز

اوروتشيمارو : سمعيني زين الحصة الثانية نزلوا كلكم مختبر الاحياء عندنا حصة تشريح

ونري : ومتى ما كانت حصتنا حصة تشريح ><

اوروتشيمارو : زين يلا روحي خبري طلاب صفك

ونري : شو صار بشنطتك استاذ ؟

اوروتشيمارو : في حصتي برسل 4 من صفكم يشلونها المشكلة اخاف الكوبرا تختنق !

ونري : شو قلت استاذ ؟

اوروتشيمارو : ولا شي يلا قلبي ويهك

فــــي الصف

كينباتشي : افف هذي ليش كتبت لك العذر بالانجليزي عاد الي يقول انا فالح فيه

ونري : تبغى ارجع لها تترجمه استاذ ؟

كينباتشي : لا خلاص بقبله هل المرة وسمعوني ان عدتوها مرة ثانيه حسابكم عسير

ساكورا + روكيا : حاضـــر استاذ

لايت : استاذ كملت حل التمارين

كينباتشي : زين تعال ا شوف وانتوا كملوا التمارين واذا رن الجرس تراها واجب و بعد تمارين الي في الكتاب و ياويله الي بييني بكرة مو حالها

ناروتو : اففف بعد واجب

شيكامارو : خ خ خ (نايم ) اقول متى الفسحة ؟

ررررررررررررررررررررررررررررررن

و خلصت الحصة الأولى بدون ضحايا هل المرة

و الحصة الثانية احياء مع استاذ اوروتشيمارو ...

ترقبوها

....

ان شاء الله عجبتكم هل الحلقة

في امان الله

vvv
الرجوع الى أعلى الصفحة اذهب الى الأسفل
اميري كوربيكا

اميري كوربيكا


المساهمات : 66
تاريخ التسجيل : 28/11/2010
الموقع : كــــــــورتـــــــو

الحلقة الثانية <<<<<<<<<<<مدرسة النمي Empty
مُساهمةموضوع: رد: الحلقة الثانية <<<<<<<<<<<مدرسة النمي   الحلقة الثانية <<<<<<<<<<<مدرسة النمي Icon_minitimeالأربعاء ديسمبر 01, 2010 7:07 pm

يـــــــــســــــــــلــــــــــمـــــــــووو



روعـــــــــــــــه Surprised
الرجوع الى أعلى الصفحة اذهب الى الأسفل
اميري كوربيكا

اميري كوربيكا


المساهمات : 66
تاريخ التسجيل : 28/11/2010
الموقع : كــــــــورتـــــــو

الحلقة الثانية <<<<<<<<<<<مدرسة النمي Empty
مُساهمةموضوع: رد: الحلقة الثانية <<<<<<<<<<<مدرسة النمي   الحلقة الثانية <<<<<<<<<<<مدرسة النمي Icon_minitimeالأربعاء ديسمبر 01, 2010 7:08 pm

يـــــــــســــــــــلــــــــــمـــــــــووو



روعـــــــــــــــه Surprised
الرجوع الى أعلى الصفحة اذهب الى الأسفل
يحي

يحي


المساهمات : 170
تاريخ التسجيل : 28/06/2010
العمر : 24
الموقع : السعوديه

الحلقة الثانية <<<<<<<<<<<مدرسة النمي Empty
مُساهمةموضوع: رد: الحلقة الثانية <<<<<<<<<<<مدرسة النمي   الحلقة الثانية <<<<<<<<<<<مدرسة النمي Icon_minitimeالخميس ديسمبر 09, 2010 11:25 am

شكرررررررررررررررررررررررررررررررررررررررررررررررررررا الف الف شكر على التكملة وانتظر الجديد منك عن جد حلقات مدرسة الانمي مرة حلوة ومظحكة وممتعة اشكرك وانتظر مفاجائاتك
الرجوع الى أعلى الصفحة اذهب الى الأسفل
ياسمين

ياسمين


المساهمات : 29
تاريخ التسجيل : 31/10/2010

الحلقة الثانية <<<<<<<<<<<مدرسة النمي Empty
مُساهمةموضوع: رد: الحلقة الثانية <<<<<<<<<<<مدرسة النمي   الحلقة الثانية <<<<<<<<<<<مدرسة النمي Icon_minitimeالجمعة ديسمبر 10, 2010 8:22 am

شكرا على الموضوع الحلو
الرجوع الى أعلى الصفحة اذهب الى الأسفل
 
الحلقة الثانية <<<<<<<<<<<مدرسة النمي
الرجوع الى أعلى الصفحة 
صفحة 1 من اصل 1
 مواضيع مماثلة
-
» مدرسة الانيمي ,,,,,,,,,,,,,لا تفوتكم مرة تضحك
» للمرة الثانية اقول الكم يا اعضاء \\زعلانة حيل منكم
» ناروتو شيبودن بالعربي الحلقة 5 (3/3)

صلاحيات هذا المنتدى:لاتستطيع الرد على المواضيع في هذا المنتدى
منتديات ساسوكي :: المنتدى العام-
انتقل الى: